राजमार्ग बन्दका लागि मात्रिकाको जोड

किरण कर्ण
११ कार्तिक, जनकपुरधाम । संयुक्त मधेशी राष्ट्रिय आन्दोलन समितिका संयोजक मातृकाप्रसाद यादवले अराजक ढंगले चल्दा आन्दोलन कमजोर हुने भन्दै आन्दोलनकारीहरुबीच एकताको आवश्यकता रहेकोमा जोड दिए ।
बुधबार जनकपुरमा भएको विरोधसभालाई सम्बोधन गर्दै नेकपा (माओवादी)का संयोजक समेत रहेका मातृकाप्रसाद यादवले आन्दोलनलाई व्यवस्थित गरेर जान सकेमा नै निर्णायक हुन बताए ।
‘गोर्खाली सरकारले शान्तिपूर्ण आन्दोलनलाई दमनको नीति अख्तियार गरिरहेको स्थितिमा कडा संघर्षको विकल्प नभएको’ यादवले बताए ।
उनले “एक मधेश प्रदेश, आत्मनिर्णयको अधिकार, स्वायत्त मधेश प्रदेश पूर्ण समानुपातिकसहितका एजेण्डाहरुप्रति मधेशी मोर्चा असहमत छन् । तर मोर्चाले आन्दोलन सुरुताका उठाएका अधिकांश मागहरुमध्ये अब सीमांकन, निर्वाचन प्रणाली र समावेशी लगायतका मुद्दाहरुमा मात्रै केन्द्रित रहेर आन्दोलनलाई कमजोरतर्फ लग्ने प्रयास भएकोमा चिन्ता जाहेर गरे ।
“हामीले आफ्नो मागको लागि लडिरहने छौँ, तर आन्दोलनमा थप ऊर्जासहित अघि बढाउनका लागि आफू अग्रसर रहेको र आफूलाई मोर्चाले जुनसुकै भूमिका दिए पनि तयार रहेको” भन्दै मोर्चालाई एकजुट भई आन्दोलन गर्न अपिल गरे ।
नेता यादवले ७५ दिनदेखि जारी रहेको मधेश बन्दले अब मधेशी जनतालाई कष्टकर रहेको भन्दै उनले तत्काल आन्दोलनलाई व्यवस्थित गर्नका लागि राजमार्गलाई थप सशक्त ढंगले बन्द गर्नुपर्ने र सिमानाका बन्दलाई पनि व्यवस्थित गर्नुपर्नेमा जोड दिए । उनले अब जनकपुरमा बन्द गरेर होइन, ढल्केवर र वीरेन्द्र बजारको राजमार्ग ठप्प गर्नका लागि जाऔँ अनि मात्र आन्दोलनले उचाई लिने बताए ।
नेता यादवले संघीय मधेशी मोर्चा आजकै मिति देखि छाडेको घोषणा समेत गरे ।
विरोधसभामा सह–संयोजक गोपल ठाकुरले यदि सरकारले गोर्खाली मानसिकता नत्यागेर मधेश आन्दोलनलाई दमन गरी मत्थर गर्ने प्रयासमा लागेको भन्दै मधेश आन्दोलनको मागलाई बेवास्ता गरी सरकार अघि बढेमा हतियार उठाउनुपर्ने बताए ।
विरोधसभामा एकीकृत माओवादीका केन्द्रिय सदस्य श्रवण बरबरियाले मधेशी मोर्चाले आन्दोलनलाई व्यवस्थित नगरी अब आन्दोलनलाई बेच्ने तर्फ उन्मुख हुन लागेको आरोप लगाएका छन् ।
यस विरोधसभामा एमाओवादीका भरतप्रसाद साह, जगत यादव, चन्द्रशेखर साह र मासका कार्यवाहक संयोजक अमित ठाकुर लगायतले सम्बोधन गरेका थिए ।

हाम्रो समाज वाट…….

सिरहामा मसाल जुलुस

सिरहा, ११ कार्तिक । सिरहामा संयुक्त लोकतान्त्रिक मधेशी मोर्चाको अगुवाईमा मसाल जुलुस निकालिएको छ । तराई मधेश लोकतान्त्रिक पार्टीको भ्रातृ संगठन तराई मधेश विद्यार्थी फ्रन्टका अध्यक्ष सुरेश मण्डललगायतकाको नेतृत्वमा बुधबार साँझ मोटरसाइकलमा मसाल जुलुस निकालिएको हो ।
सिरहा–६ को कल्याणपुर बजारबाट मोटरसाइकलमा निस्किएको मसाल जुलुस मझाउ, करुणियाही, अरनामा, बनिनिया, करहरवा, कट्टी, बेलहा बजारहुँदै फेरि बनिनियामा आएर कोणसभामा परिणत भएको थियो । लगभग १० किलोमिटर लामो बाटोमा मोटरसाइकलको हर्न बजाउँदै मसाल बोकेर प्रदर्शनकारीले सिरहाको विभिन्न ठाउँको परिक्रमा गरेका थिए ।
बेलहा बजारमा रहेको पुलिसचौकी अगाडि नाराबाजी गरेर उनीहरु कोणसभाका लागि बनिनिया फर्केका थिए । प्रदर्शनमा नवनिर्वाचित राष्ट्रपति विद्या देवी भण्डारीको पुतला पनि दहन गरिएको छ ।
कोणसभालाई संबोधन गर्दै युवा नेता मण्डलले मधेशको माग पुरा नभएसम्म आन्दोलन जारी रहने बताए । उनले ७५ दिनको आन्दोलन र एक महिना लामो नाकाबन्दी गर्दा पनि सरकार मौन भएकाले सरकारलाई ब्युँझाउन हर्न बजाउँदै मसाल जुलुस निकालिएको जनाएका छन् ।
तस्विर : फाइल फोटो

हाम्रो समाज वाट…….

मधेसीको पक्षमा सप्तरीमा पहाडी समुदायद्वारा प्रदर्शन

कार्तिक ११, २०७२- पछिल्लो ७५ दिनदेखि मधेसका जिल्लाहरुमा आन्दोलनरत मधेसी समुदायको माग सम्बोधन सरकार उदासिन रहेको भन्दै माग पूरा गर्न दवाब दिने उद्देश्यले आज-बुधवार)सप्तरी सदरमुकाम राजविराजमा पहाडी समुदायले बृहत प्रदर्शन गरेको छ ।
सप्तरीको विभिन्न गाउँमा पुस्तौंदेखि बसोवास गर्दैआएका पहाडी समुदायहरु प्रदर्शनमा सहभागी हुन सदरमुकाम राजविराजमा आएका थिए । राजविराजस्थित शिव मन्दिर प्राङ्गणबाट निस्किएको पहाडी समुदायको ऐक्यबद्धता जुलुस नगरको विभिन्न भागलाई परिक्रमा गरेका थिए ।
‘पहाडी मधेसी एक छौं, मधेसी एकता जिन्दावाद, मधेसको माग पूरा गर’ जस्ता नारा लगाउँदै पहाडी समुदायको प्रदर्शनमा युवा-युवतीदेखि वृद्धा-वृद्धाहरुको सहभागिता रहेको थियो ।
प्रदर्शनपछि स्थानीय जनआन्दोलन चौकमा आयोजित विरोध सभालाई सम्बोधन गर्दै पहाडी समुदायका अगुवा तथा सप्तरी उद्योग बाणिज्य संघका अध्यक्ष अरुण प्रधानले मधेसमा बस्ने सबै मधेसी भएकाले यो आन्दोलन आफूहरुकोसमेत भएको विचार ब्यक्त गरे ।
‘सप्तरीमा लामो समयदेखि पहाडी-मधेसी समुदायमा भाईचार कायम रहिआएको छ’, अध्यक्ष प्रधानले भने, ‘लामो समयदेखिको आन्दोलनले सबै क्षेत्र धरासायी भईसकेको अवस्थामा पनि आन्दोलनरत पक्षको माग सम्बोधन गर्न सरकार गम्भिर भएको छैन, आश गरौं भोलि-बिहीवार) हुने वार्ताले निकास मिलोस् ।’
सोही विरोध सभालाई सम्बोधन गर्दै सदभावना पार्टीका युवा नेता केन्दि्रय सदस्य दिनेशकुमार यादवले मधेस आन्दोलनमा पहाडी समुदायको ऐक्यबद्धता जुलुसले अझ मधेसी र पहाडीबीच समुग्धर सम्बन्ध प्रगाढ बनेको बताउँदै खुशी ब्यक्त गरे । ‘मधेसी र पहाडी समुदायबीचको सद्भावले गर्दा नै अहिलेसम्मको आन्दोलनमा कुनै पनि मधेसका जिल्लामा सद्भाव खलबल्ने काम भएन्, बरु काठमाण्डौंमा चाहिं उतैका बासिन्दाद्वारा साम्प्रादायिक भड्काउने काम गर्यो, तर हामीले मधेसमा वर्षौदेखि कायम रहेको भाईचार अझ प्रगाढ बनाउनेमा दृढ छौं’, उनले भने ।
सधैं मधेसी समुदायको जुलुस र प्रदर्शनले हुने राजविराजमा बुधवार सोही नारा लगाउँदै पहाडी समुदायको जुलुस निस्किएपछि बजारमा हिड्नेहरुले पनि ताली बजाएर स्वागत गरेका थिए ।

हाम्रो समाज वाट…….

मधेशमा नव निर्वाचित राष्ट्रपतिको पुतला दहन

जनकपुरधाम, ११ कार्तिक । जारी रहेको मधेश आन्दोलनका क्रममा मधेशीको अधिकारका विपरित पटक पटक अभिव्यक्ति दिएका बिद्या भंडारी राष्ट्रपतिमा निर्वाचित भएकै बेला जनकपुरको जनक चोकमा मधेश अधिकार संघर्ष समिति (मास)का विद्यार्थी युनिटले उहाँको पुत्ला दहन गरेको छ ।
मधेश विरोधी राष्ट्रपति बनेको भन्दै मासका विद्यार्थी युनिटका अमित ठाकुरको अगुवाईमा दिपक चौधरी,राजन झा,अविनास साह, जेटली सिँह, समीर ठाकुर, असलम राइन, अभिषेक शर्मा लगायतकाले भंडारीको पुत्ला दहन गरेका छन् ।

हाम्रो समाज वाट…….

मधेशमा एक वा दुई प्रदेश बनाउँदैमा समस्या समाधान हुँदैन : डा. राउत

काठमाडौं, ११ कार्तिक । स्वतन्त्र मधेश गठबन्धनका संयोजक डा. सीके राउतले मधेशमा एक वा दुई प्रदेश बनाउँदैमा समस्या समाधान नहुने जिकिर गरेका छन् । सीमांकन लगायतका मुख्य एजेन्डा राखी साढे दुई मिहनादेखि आन्दोलित रहेको मधेशीहरुले मधेशमा एक वा दुई प्रदेश बनाउँदैमा यसले स्थायी समाधान नहुने उनले बताए । स्वतन्त्र मधेश राष्ट्रको वकालत गर्दै आएका डा. राउतले स्वतन्त्र मधेश बाहेक अर्को कुनै विकल्प नरहेको दाबी गरेका छन् । मधेशवाणीसँग कुराकानी गर्दै उनले भने, ‘मधेश स्वतन्त्र नभएसम्म मधेशीहरूले पटक–पटक आन्दोलन गरिरहनुपर्ने अवस्था रहिरहनेछ ।’ नेपालको संविधानबाट मधेशीहरू कहिल्यै पनि स्थायी रूपले पूर्ण अधिकार पाउन नसक्ने दाबी गर्दै उनले, ‘प्रदेश बनाउँदैमा नेपाली सेनाको संरचना परिवर्तन नहुने’ भने । उनले जबसम्म मधेशीहरुको पहुँच सेना लगायतका सुरक्षा निकायमा हुँदैन तबसम्म मधेशीले अधिकार नपाउने मधेशवाणीलाई बताए । मधेशकेन्द्रित दलले मधेश आन्दोलनका एजेण्डाहरू स्पष्ट रूपमा प्रस्तुत गर्न नसकेको भन्दै मधेशकेन्द्रित दलका नेताहरूसँग स्पष्ट भिजन नै नरहेको जिकिर गरे । उनले अहिले भइरहेको मधेश आन्दोलनमा आफ्नो संगठनको पनि समर्थन रहेको जनाएका छन् । डा. राउतसँगको विस्तृत अन्तर्वाता मधेशवाणीको आगामी अंक कार्तिक १३ गते प्रकाशित हुनेछ ।

हाम्रो समाज वाट…….

झापा देखि कैलाली सम्म डा. सि. के. राउतको अन्तर्वार्ता सुन्नुस्

डाउनलोड: https://www.sendspace.com/file/ozryfl
मधेशवाणी रेडियो कार्यक्रमअन्तर्गत २०७२–०७–११ गते बुधबारको कार्यक्रमः स्वतन्त्र मधेश गठबन्धनका संयोजक डा.सीके राउतसँग अजय साह शिवालीले गरेको कुराकानी सुन्नु होला ।
मधेशकेन्द्रित दलले मधेश आन्दोलनका एजेण्डाहरू स्पष्ट रूपमा प्रस्तुत गर्न सकेका छैनन् : डा. राउत
मधेशकेन्द्रित दलका नेताहरूसँग स्पष्ट भिजन नै छैन : डा. राउत
नेपालको संविधानबाट मधेशीहरू कहिल्यै पनि स्थायी रूपले पूर्ण अधिकार पाउन सक्दैनन् : डा. राउत
मधेशमा एक वा दुई प्रदेश बनाउँदैमा समस्या समाधान हुँदैन : डा. राउत
मधेश स्वतन्त्र नभएसम्म मधेशीहरूले पटक–पटक आन्दोलन गरिरहनुपर्ने अवस्था रहिरहनेछ : डा. राउत

हाम्रो समाज वाट…….

#back #off #china भन्दै कलैयामा प्रदर्शन

संजय तिवारी, कलैया (बारा), ११ कार्तिक । जिल्लाको सदरमुकाम कलैयामा चीन विरुद्ध स्थानीय युवाहरुले प्रदर्शन गरेका छन् । मधेशमा ७५ दिनदेखिको आन्दोलन र ३७ दिनदेखि जारी नाकाबन्दीलाई पनि सरकारले बेवास्ता गरिरहदा मधेश विरोधी नेपाल सरकारलाई तेल सहयोग गरी मधेशकै विरोध गरेको भन्दै उनीहरुले बुधबार प्रदर्शन गरेका हुन् ।
‘मधेश विरोधी सहयोग बन्द गर’, ‘ब्याक अफ चाईना’ भन्दै सयौंको संख्यामा रहेका युवाहरुले कलैयाको शहिद चौकबाट प्लेकार्ड सहित निकालेको ¥यालि नगरभरी परिक्रमा गरी पुनः चौकमै आएर सकिएको थियो ।
मधेशी जनताले अधिकारका लागि गरेको आन्दोलनमा नेपाल सरकारले ब्यापक दमन गरी ४२ जना मधेशिको हत्या गरीदा र सयौ निर्दोश जनतालाई अंगभंग गरीदा पनि चिन सरकारले त्यसको बिरोधमा नबोलि आन्दोलनको क्रममा भारतिय नाकाहरु बन्द गरेपछि त्यसबाट भएको अभावलाई पुरा गर्न चिनले नेपाललाई तेल दिने भनेपछि त्यसको बिरोधमा उत्रेको बिरोध गरीरहेको य्वाहरुले बताए ।
मधेशको अधिकार प्राप्त नभएसम्म चिनले नेपाललाई कुनैपनि सहयोग गर्ननहुने उनिहरुको तर्क छ ।
प्लेकार्ड सहित निकालिएको जुलुसपछिको कोणसभामा बोल्दै युवाहरुले चिनले नेपाललाई दिनलागेको सहयोगे नरोके बिरोधलाई झन शसक्त बनाउने बताएका थिए ।

हाम्रो समाज वाट…….

विराटनगरबाट मोर्चाका नेताहरु पक्राउ

विराटनगर, ११ कार्तिक । धर्नामा बसिरहेका संयुक्त लोकतान्त्रिक मधेशी मोर्चाका नेताहरुलाई प्रहरीले पक्राउ गरेको छ । विराटनगरको शनिमन्दिर चोकबाट धर्नामा बसिरहेको बेला संघीय समाजवादी फोरम नेपालका जिल्ला अध्यक्ष राज कुमार यादव, जिल्ला सदस्य कन्हैया साह र तमलोपाका मो. कादिर अलिलाई नेपाल प्रहरीले पक्राउ गरेको हो ।
मोर्चाका यी नेताहरुको पक्राउप्रति स्थानीयहरु आक्रोशित देखिएका छन् । विराटनजर बजारमा प्रदर्शनकारी र प्रहरीबीच झडप हुन सक्ने सम्भावना देखिएको छ ।

हाम्रो समाज वाट…….

नेपालका खस शासक हरुले १९५०देखिनै भारत विरुद्ध चीन र चीन विरुद(सरिता गिरि)

नेपालका खस शासक हरुले १९५०देखिनै भारत विरुद्ध चीन र चीन विरुद्धभारतको कार्ड प्रयोग गरी आफू लाई सत्तामा टिकाएका छन । उनी हरु बुझन सकेका छैनन कि बिश्वव्यापीकरण र आथर््िाक उदारीकरणको आजको युगमा शीत युद्धको रणनीति काम लाग्दैन । भारत र चीन ले पनि बुझेका छन की यस क्षेत्रमा भएको अशांति अंतराष्ट्रिय द्वन्दको रुप लिन सक्छ र त्यस बाट दुबै देश लाई क्षति हुन्छ । तर नेपालको सरकारले मात्र २५० वर्षको इतिहासमा आधारित जातीय राष्ट्रवाद या खंड राष्ट्रवाद को भावना उचाली देशका जनता लाई मूर्ख बनाउने काम मात्र गरी रहेको छ र मधेश आंदोलन ले उठाएको प्रश्नहरुको न्यायोचित सम्बोधनका लागि इमानदारी पूर्वक अग्रसर भई रहेका छैनन ।
नेपालको इतिहास हजारौं वर्ष पुरानो छ र खस शासकहरुको उदय भंदा अघिको नेपालको प्राचीन इतिहास मधेशी, आदिवासी र जनजातिहरुको शासन को इतिहास हो । इतिहास कहिले मर्दैन। इतिहास वत्र्तमानमा समेत जीवित रहन्छ र इतिहास कसैको बंदी पनि हुंदैन ।

हाम्रो समाज वाट…….

भारतविरोधी हुने कि भारतीय हस्तक्षेपविरोधी हुने ?

भारतले ब्रिटिसकालदेखि नै नेपालमा निरन्तर हस्तक्षेप गर्दै आएको छ । ब्रिटिस भारतले विशेष गरी सन् १८१६ मा भएको सुगौली सन्धियता नेपालमा हस्तक्षेप गर्दै आइरहेको छ । त्यसैलाई स्वतन्त्र भारतले पनि लागू गर्दै आएको छ ।
यसबीचमा नेपालमा राणाकाल जान्छ, प्रजातन्त्र आउँछ, पञ्चायत आउँछ, फेरि प्रजातन्त्र आउँछ, लोकतन्त्र आउँछ, गणतन्त्र आउँछ, संविधानसभाबाट संविधान आउँछ तर नेपालको राष्ट्रिय स्वाधीनता आउँदैन । सार्वभौम राष्ट्र नेपाल आउँदैन । त्यस्तो सोच बोक्ने साँचो नेपाली विद्वान् पनि आउँदैन । विद्वानको खोपडी परिवर्तन हुँदैन ।
ठूलठूला कर्पोरेट मिडिया हाउसदेखि सामान्यजनतासम्मले भन्ने गर्छन्, ‘हामीले भारतविरोधी गतिविधि गर्नु हुँदैन । भारत थिएन भने हाम्रो विजोग हुन्छ ।’ त्यस्तै, बनारसी मानसिकताबाट प्रशिक्षित एकात्मकतावादी विद्वान्हरू भट्टीपसल, चियापसल, चोकमा गफ गर्न थाल्छन्, ‘भारतविरोधी भएर हाम्रो काम छैन ।’
ज्ञानको कमीले हुनसक्छ, सबै नेपालीले प्रयोग गरिरहेको भारतविरोधी शब्द गल्ती हो जस्तो लाग्छ मलाई । भारतले नेपालमाथि गरिराखेको सम्पूर्ण व्यवहार अविरल हस्तक्षेपको शृङ्खला हो । भारतले नेपाललाई बेलाबेला हस्तक्षेपको नमुना प्रस्टसँग देखाउने काम गरिराखेको छ ।
जबजब भारतीय हस्तक्षेपको शृङ्खला हुन्छ, तबतब सञ्चारमाध्यममा ‘भारतविरोधी’ शब्द भरमार सुन्न पढ्न पाइन्छ । भारतले गरेको हस्तक्षेपको विरोध गरियो भने ‘भारतविरोधी कुरा गर्नु हुँदैन’ भन्ने अर्ती उपदेश पाउँछौं ।
करिब ६५ वर्षअघि स्वतन्त्र भएको भारतले नेपालका सबैजसो क्षेत्रमा हस्तक्षेप गरिरहेको छ । त्यस्तो हस्तक्षेपको विरोध गर्दा नेपालका विद्वानहरूले सही कुरालाई सही, गलत कुरालाई गल्ती भन्नुपर्ने हैन र ? त्यस्तो हस्तक्षेपबाट फुत्केर स्वाधीन समृद्ध नेपालको बाटोमा लाग्न हरेक नेपाली मनले भारतीय हस्तक्षेपको विरोध गर्ने आँट गर्नुपर्ने हैन र ?
वास्तवमा भारतले स्वाधीन नेपालमाथि गरेको हस्तक्षेपचाहिँ नेपालविरोधी हो । जोजो नेपालका नेताहरूले गरेको राष्ट्रघाती असमान सन्धि सम्झौता खारेज गरेर नेपाललाई स्वाधीन बनाउन चाहँदैनन्, तिनीहरू नेपाली नै भए पनि नेपालविरोधी हुन् । जबजब भारतीय हस्तक्षेपको शृङ्खला हुन्छ, तबतब सञ्चारमाध्यममा ‘भारतविरोधी’ शब्द भरमार सुन्न पढ्न पाइन्छ । भारतले गरेको हस्तक्षेपको विरोध गरियो भने ‘भारतविरोधी कुरा गर्नु हुँदैन’ भन्ने अर्ती उपदेश पाउँछौं ।
भारतले ‘नेपाललाई गरिब र परनिर्भर बनाई राख’ भन्ने नीति लिएको पाइन्छ । यही नीतिका कारण संविधानसभाबाट संविधान बन्दा समेत नेपाल सार्वभौम राष्ट्र बन्न सकेन । कतिसम्म भने आदिवासी जनजाति र मधेसीले पहिचान र अधिकार पाएनन् । यसैलाई निहुँ बनाएर भारतले नाकाबन्दी लगायो ।
भारतलाई जलस्रोत सुम्पने नीति र व्यवहारका कारण विकासमा अगाडि बढ्न सकेन । राजधानीका जनतालाई जलस्रोतको धनी देश नेपालले खानेपानी समेत दिन सकेको छैन । करिब ७० वर्षमा राजधानीवासीलाई खानेपानी दिन नसक्नेहरु कसरी राष्ट्रवादी हुन्छन् ?
के हामीले अब नेपाली भारतीय हस्तक्षेपको एकजुट भई विरोध गर्दै अबदेखि भारतविरोधी भन्न छाड्छौं त ? हरतरहले भारतीय हस्तक्षेपको भण्डाफोर गर्दै अब आत्मनिर्भरतातिर अगाडि बढ्ने प्रण गर्छौं त ?
हामीले त्यस्ता पार्टीलाई पटकपटक ठूलो पार्टी बनायौं, जसले नेपाल र नेपाली जनतालाई केन्द्रमा राखेनन् । एउटा ठूलो लोकतन्त्रवादी भनिने पार्टीले त माओवादी सरकार हुँदा उसले नै लोडसेडिङ गरेको भनी आरोप लगाउनसम्म भ्यायो । त्यति मात्रै हैन, राजधानीका शिक्षित विद्यार्थीहरूले त्यस्तै आरोप लगाएर गरेको मैनबत्ती जुलुस मूकदर्शक भई हेर्न बाध्य भयौ हामी । के नेपालका नदीहरु भारतीय मालिकलाई दिन नेतृत्व गर्ने तिनै ठूला दलहरु हैनन् ?
जलस्रोतको धनी देश नेपालमा प्रचुर मात्रामा विद्युत उत्पादन नगरी लोडसेडिङ भइरहनु कस्तो विडम्बना ? नेपालको यही विडम्बनालाई परिवर्तन गर्न सबै नेपाली जागरुक नहुँदासम्म जुनसुकै तन्त्र ल्याइए पनि नेपालको परनिर्भतामा सुधार आउने सम्भावना छैन ।
नेपाललाई आत्मनिर्भर बनाउन खोज्ने र भारतसँग भएका सबै असमान सन्धि सम्झौतालाई खारेज गरी नयाँ सन्धि सम्झौता गर्न खोज्ने राजनीतिलाई प्रोत्साहित गरियो भने मात्र नेपाललाई स्वाधीन बनाउँदै समृद्ध बनाउन सकिन्छ । देश र जनतालाई घात गर्ने पार्टीहरूलाई मलजल गरिरहेसम्म नेपाल बन्दैन, न त सार्वभौम नै हुन्छ ।
के हामीले अब नेपाली भारतीय हस्तक्षेपको एकजुट भई विरोध गर्दै अबदेखि भारतविरोधी भन्न छाड्छौं त ? हरतरहले भारतीय हस्तक्षेपको भण्डाफोर गर्दै अब आत्मनिर्भरतातिर अगाडि बढ्ने प्रण गर्छौं त ? हामी आफै पनि देश र जनतालाई केन्द्रमा राखेर क्रियाशील हुने चेतनशील नागरिक नबनेसम्म खराब छिमेकीले हेपाहा रवैया कायम राखिरहने कुरा सबैले मनन गर्नैपर्छ ।
ghisingram@gmail.com

हाम्रो समाज वाट…….